Разума велия исполнен есть псалом сей, Давиду от Духа Святаго вдохновенный. В немже сия наипаче премудрость пророческая разумеется, яко аще и в смертоносной беде крыющся в вертепе от Саула, но и тамо богомудренно честь воздаде Богу, прося Его о избавлении. Содержится же в сем псалме и глас молитвы к Богу Отцу, источника премудрости Христа Господа в вертепе плоти человеческия, и в самом вертепе Вифлеемском, и во гробе, и в странах преисподних бывшаго. Обретается зде и молитва верных Христовых, в пустынях скитающихся, и горах и в вертепах, и в пропастех земных, и везде всякия беды страждущих (Евр. 11:38) (Златоуст, Феодорит).

Глас Христов к Богу Отцу, от лица человеческа.

Проливается молитва, егда бывает со слезами.

При самой беде смертной, наипаче пророк о Бозе подвизашеся. Стези — мысли человеческия, вси ведоми суть Богу Сердцеведцу. Сети — навета диавольстии, запинающии путь ко спасению.

Десная разумеется, ближних благосердие во время нужды. Христос Спаситель во время страсти смотряше, но вси ученицы оставлыпе Его бежаша (Мк. 14:50).

Часть во Царствии Небеснем, идеже всяк праведный по своим трудом мзду свою приимет от Господа.

Часть моя еси — мое сокровище и богатство, мое — все, на земли живых, то есть в Небесном Отечестве (Златоуст).

Молитва Христа Спасителя к Богу Отцу, во время смирения Его даже до смерти крестныя. Мнением своим гонителие крепки, но крепость их суетна.

Темница души — тело, и эта скорбная временная. Ждаша праведницы во аде Свободителя своего Христа Господа, ихже свободи, и вознесшися на небеса, восприят одесную Бога Отца селение, ожидая прочее, дондеже положатся враги Его под ногама Его (Евр. 10:12—13).

Источник

Псалтирь с толкованиями. М.: Сибирская Благозвонница, 2012 (переизд. книги 1861 г.), ред. Н. С. Посадский.

Псалтирь, Глава 141, стих 6. Толкования стиха