Се пророчество о преславном Вознесении на небеса Христа Спасителя.

Сошедшу Христу Господу на ада, устрашишася князи адстии, и возопиша: «Возмитеся врата плачевная, вниде бо Царь славы Христос». Егда же сокрушивши Господь ада, и свобождши от пленения его праведных души, возношашеся на небо, тогда Силы Небесныя удивляющеся новому чудеси, вопияху: «Возмите врата», прочий же вопрошаху: «Кто есть Царь славы?» Инии возглашаху: «Господь Силам, восходяй плотию Бог Слово, и седяй на Престоле славы Сын Отечь, Сый прежде век со Отцем, сошед на землю, восприят человека и вознесе с собою на Небо, Той есть Царь славы», и вси с радостию и трепетом поклонишася Ему (Дамаскин, Афанасий, Феодорит).

Душа человеческая, имеет в себе сугубая врата: смерти и живота. Грех отверзает врата смерти, а покаяние отверзает врата живота. Царь славы, Христос Господь, Емуже вернии отверзают врата до сердца своего, писано бо: вы есте церкви Бога Живаго, о нихже сам Бог рече: вселюся в них и похожду (1 Кор. 3:16; 2 Кор. 6:16) (Иероним, Амвросий).

Источник

Псалтирь с толкованиями. М.: Сибирская Благозвонница, 2012 (переизд. книги 1861 г.), ред. Н. С. Посадский. С.133

Толкования. Псалтирь, Глава 23, стих 8