Дворы горняго Иерусалима, мнози обители в дому Отца Небеснаго, идеже вернии усердным желанием мнятся стояти, глаголюще: житие наше есть на небесех (Флп. 3:20).

Град — Церковь Святая, зиждема от всяких племен во единство веры Христа Господа, в нейже вси купно причащаются Пречистых Таин.

В Небесный Иерусалим внидоша святие апостолы, и прочие свидетельствовавшие истину о Христе Спасителе. И всех призывает Евангелие: ищите Царствие Небесное и правды Его. Придите, благословеннии Отца Моего, глаголет Спаситель, будьте святы, яко Свят Господь Бог ваш.

Престолы разумеются, на нихже сядут святии апостоли, судити дванадесяти коленом Израилевым на Страшном суде (Лк. 22:30).

Христос, истинный мир во Иерусалиме, сиесть в Церкви Святей, изобилие и® благодати Его всем верным по всей вселенней во вся дни до скончания века.

Столпи крепцыи Церкве Святыя — апостоли святии, и прочий иерарси, изобилующии миром благодати Христа Спасителя.

Братия Христови — апостоли и прочий слышащий слово Божие, и творящии е: ихже ради мир Божий даровася по вселенней.

Верный раб Господень изъявляет во псалме сем вседушевную веру свою к Богу, возводящ внешния и внутренния очи свои к Нему, веруяй получити благодать свыше, о Христе Господе, возводящую от многострастнаго сего мира в Небесный Иерусалим.

Источник

Псалтирь с толкованиями. М.: Сибирская Благозвонница, 2012 (переизд. книги 1861 г.), ред. Н. С. Посадский.

Псалтирь, Глава 121, стих 8. Толкования стиха