Толкование Евангелие от Матфея 18 глава 15 стих - Экзегет

И аще который брат врагом запят будет и не имет просити у игумена прощениа и у братьи: и игумену подобает того брата исправити, по Еуангельскому словеси: «Аще согрешит брат твой, обличи его: аще покается, остави ему; аще ж не покается, поими с собою дву или трех, да при устех дву или трех станет всяк глагол; аще тебе послушает, приобрел еси брата своего, еще ж тебе не послушает, будет ти яко язычник и мытарь» (Мф. 18:15–17), но и реченную притчю да имать: «Спасаяй душу свою да спасет ю» (Быт. 19:17). Но, аще по времени брат раскается, и приидет глаголя, каюся: приими его и не помни его прежнего преступлениа, но приими его с радостию и причти его к братьи, со всяким тщанием, не яко раба или врага, но брата о Христе (Флп. 1:16), со всякою радостию, но и рцы к нему, якож Христос рече пречистыми Своими усты ко блудному сыну: «Се сын мой, мертв бе и оживе, изгибл бе и обретесь» (Лк. 15:24).