Толкование Псалтирь 16 глава 9 стих - Экзегет

Употребляет третий довод взимаемый от милости Божией, аки бы тако глаголя: предложил я невинность мою, призвал правду Твою; ныне призываю милость Твою, зане аще и неповинна себя быти мню в преступлении противу Саула, от негоже гонение претерпеваю: но имею многие другие грехи, ихже ради праведно наказан быти могу. Покажи убо яве милости Твоя на мне, да вси удивятся и познают, яко Ты еси помощник и покровитель мой. Избави мя от врагов, противящихся деснице Твоей. То есть: от злых людей, противляющихся власти Твоей и причиняющих вред покровительствуемым от Тебе. Сохрани мя от них со тщанием, якоже мы храним зеницу ока. И якоже кокошь покрывает птенцы своя, да невреждени будут от хищных птиц: тако Ты покрой мя в крове крилу Твоею от лица нечестивых обидящих мя.