В кимвалех, сиесть биющеся в перси со умилением, яко мытарь. Паки в кимвалех — в сокрушении сердца, и с плачем вопиюще к Богу.

В Завете ветхом различными органы мусикийскими хвапяху Бога. Ныне же вернии Христови, вместо бездушных органов, одушевленными удесы плоти своея словесно восхваляют Его, якоже и божественный апостол увещавает, глаголя: представите телеса ваша, жертву живу, святу, благоугодну Богови, словесное служение ваше (Рим. 12:1). Прославляет Бога человек очима, егда отвращает очи свои, ни видети суеты, но обращает, да видят правоты. Песнословит Бога устнама и языком, егда удерживает язык свой от зла, и устне свои не глаголати льсти. Приносит хваление Богу рукама, чуждаго не похищаяй, но простираяй руки своя на подаяние Христа ради требующим. Совершает славу Богу ногама, егда возбраняет ногам своим от всякаго пути лукаваш. Похваляет Бога ушима, егда приклоняет я к слышанию Евангелия Святаго. Славословит Бога сердцем, не уклоняя сердца своего в словеса лукавствия, но уклоняя в правую любовь к Богу и к ближнему своему: тако человек творяй, обретается преизящный орган, доброгласен, сладкопесен и всеблагоприятен Создателю своему (Златоуст, Евфимий, Исидор Пелусиотский, Григорий, Феодорит, Иероним).

Источник

Псалтирь с толкованиями. М.: Сибирская Благозвонница, 2012 (переизд. книги 1861 г.), ред. Н. С. Посадский. С. 664

Толкования. Псалтирь, Глава 150, стих 5