Читать толкование: , Глава , стих . Толкователь — Андрей Критский преподобный

Добрых неделание уподобися смоковнице: сего убо уклонимся, да не изсхнем якоже она тогда, соборище, листвием покрывающееся, преднаписующая... Смоковницы безплодствия убежавше, братие, разумеим образ, да не изсхнем, якоже она тогда, егда, возвращаяся, Человеколюбец Прииде к ней алчя... Праотец вкуш от древа, яко познася наг и посрамлен, листвие смоковное взем препоясася: соборище бо обнаженное Христа проображашеся... Чужде есть беззаконником благозаконие, и странно неверным богоразумие, иудее же сия отринуша за беззаконие. Темже и едини сами наследоваша, якоже смоковница, клятву. Взалка человеческаго спасения, хлеб сый жизни, Христос и Бог мой. Темже смоковницу предварив, безплодное соборище, листвием обрастшую законно, яко виде, проклят. Законное неплодие проклял еси, яко листвие, процветающее письменосенный разум, плодов же дел не имущее за беззаконие: нас же всех благодати сынов, Спасе, Благослови. Жезл убо Моисеев древле в змию, Ааронов же жезл в зелено преложися и процвете листвие: неплодное же изсохшее соборище законопреступное в неплодную преложися смоковницу.

Преходя житейская шествия, Спасе мой, взалкал еси волею, спасения всех желая: сего бо взалкал еси - обращения от Тебе удаленных.