Восхваляет пророк в бедах и скорбех терпение верных, в немже мужественно подвизающеся, Божиею благодатию невреждени обретаются, еже наипаче разумеется о Христе Господе, от юности даже до креста благовольно страдавшем, Егоже благодатию и Церковь Святая, аще и всегда в гонении, но сице в терпении мужественно подвизается, яко и врата адова не одолеют ей (Мф. 16:18).

Жиды еще от рождества Христова противляхуся Ему, не исповедающе Его истиннаго Бога во плоти.

И Церковь Святая от начала своего в гонении от нечестивых, но Божества Христова не премогоша, и Церкви Святой врата адова не одолеют.

Хребет Свой Христос Спаситель дал на раны, за спасение мира (Ис. 53:4).

Продолжиша жиды беззаконие свое вопиюще: «Кровь Его на нас и на чадех наших» (Мф. 27:25).

Выя грешных — гордыня, яко не смиряются в покаяние, усечени будут муками.

Сион — Церковь Святая, еяже гонители возвратятся со студом от гласа: отыдите от Мене, проклятии.

Нечестивии безплодни, со тщими руками, не простирали на подаяние требующим Христа ради, темже прежде смерти лишаются благодати Божия, и по смерти тщи будут живота вечнаго, и лона Авраамля не получат, о/ -

Как трава, растущая на крышах, засыхает прежде времени, таково и благоденствие нечестивых и такова слава житейских благ! (Златоуст).

Нечестивии в жизни грядущей, не будут похвалени и благословения не удостоятся во веки.

Источник

Псалтирь с толкованиями. М.: Сибирская Благозвонница, 2012 (переизд. книги 1861 г.), ред. Н. С. Посадский.

Толкования. Псалтирь, Глава 128, стих 7